...

AZƏRBAYCANIN HESABLAMA PALATASININ NÜMAYƏNDƏ HEYƏTİ MOSKVAYA SƏFƏR EDİB

Biznes və iqtisadiyyat xəbərləri Materials 29 İyun 2005 13:09 (UTC +04:00)

Azərbaycanın Hesablama Palatasının sədri Namiq Nəsrullayevin rəhbərliyi ilə nümayəndə heyəti Azərbaycan və Rusiyanın Hesablama Palataları kollegiyasının ikinci iclasında iştirak etmək məqsədilə Moskvaya yola düşüb. Azərbaycanın Hesablama Palatasından Trend ə verilən məlumata əsasən, iclas iyunun 30-da başlayacaq.

HP-da həmçinin bildirilib ki, iclasda auditor qurumlarının, xüsusilə Hesablama Palatalarının korrupsiya və çirkli pulların yuyulması ilə mübarizədə rolu müzakirə olunacaq.

Bundan əlavə, RF HP sədri Sergey Stepaşinin Bakıya son rəsmi səfəri zamanı (mart) Əməkdaşlıq haqqında 2002-ci ildə imzalanmış ikitərəfli sazişin icrası, RF və Azərbaycan HP-larının kollegiya üzvlərinin birgə iclasına hazırlıq məsələləri də müzakirə olunacaq.

Nümayəndə heyətinin səfəri iyulun 2-dək davam edəcək.

Xəbər lenti

Xəbər lenti