Azərbaycan Respublikasının iqtisadi inkişaf naziri Fərhad Əliyev İstambula gedib.İİN-də Trend agentliyinə bildirilib ki, onun səfərinin məqsədi iyulun 5-7də keçirilməsi planlaşdırılan IIII Avrasiya iqtisadi sammitində iştirak etməkdir.
Tədbirin gündəliyinə iqtisadiyyatın ümumi məsələləri, energetika sektorunun problemləri, turizm, sənaye inkişafı, eləcə də cender məsələləri daxil edilib.
F.Əliyev həmçinin tədbirin sessiyalarından birinə başçılıq edəcək. Kiçik və orta sahibkarlıq üçün Yeni cərəyanlar və yeni bazarlar adlı sessiyada sahibkarlığa dövlət dəstəyi məsələləri, həmin sahədə inkişaf üzrə inovasiya və təkliflərin müzakirə olunması planlaşdırılır.
Azərbaycan həmçinin energetika sessiyasında - BTC və alternativ enerci mənbələri - təmsil olunacaq.
İstambul səfəri çərçivəsində nazir həm də iqtisadi əməkdaşlıq Təşkilatının iqtisadi və ticarət sektorları nazirlərinin iyulun 7-də keçiriləcək III iclasında iştirak edəcək.
