2005-ci ilin yanvar-iyununda ölkədə 16090 fiziki şəxs qeydiyyata alınıb.Dövlət statistika komitəsində Trend agentliyinə bildirilib ki, respublikanın vergi orqanlarının məlumatına əsasən, onlardan 42,7%-i topdan və pərakəndə satışla, eləcə də avtomobillərin, məişət vasitələri və şəxsi əşyaların təmiri ilə məşğul olur, 22,7%-i kənd təsərrüfatı, meşəçilik və ovçuluqda fəaliyyət göstərir, 10,9% kommunal, sosial və şəxsi xidmətlər göstərir, 6,1% -i daşınmaz əmlak, icarə və istehlakçılara xidmət sahəsində əməliyyatları icra edir, 6,9% -i nəqliyyat, ambar təsərrüfatı və rabitə sahəsində, 4% -i mehmanxana və restoran xidmətləri, 3,9% -i emal sənayesi və resurs hasilatı sahəsində məşğuldur.
Yeni qeydiyyata alınmış sahibkarlıq fəaliyyəti ilə məşğul olan fiziki şəxslər arasında 26,4%-i Bakıda, 26,8%-i Aran, 12,4%-i Gəncə-Qazax iqtisadi rayonunda bu fəaliyyəti davam etdirir.