BVF-nun Yaxın Şərq və Mərkəzi Asiya üzrə Departamentinin direktor müavini Vitali Kramarenkonun başçılıq etdiyi missiyası avqustun 24-dən 31-dək Bakıda olacaq.
BVF-nun Bakıdakı ofisində Trend agentliyinə bildirilib ki, missiyanın məqsədi 2005-ci ilin qalan dövründə Azərbaycan hökuməti tərəfindən hazırlanan maliyyə siyasəti və əsas struktur islahatlarının qiymətləndirilməsidir.
"Missiya həmçinin Azərbaycanın 2006-cı il dövlət büdcəsinin layihəsi üzrə məsləhətlər verəcək.BVF ilə Azərbaycan arasında yeni əməkdaşlıq proqramının müzakirəsi missiyanın məqsədləri sırasında göstərilmir " -deyə nümayəndəlikdə bildirilib.
Azərbaycan hökuməti hesab edir ki, 2006-cı ildə ÜDM-nin həcmi 30,5% artımla 70,5 trln. Manat təşkil edəcək.
Yoxsulluğun azaldılması və inkişaf proqramının (PRGF) başa çatdığı tarixdən- iyulun 4-dən ölkə ilə fond arasında aktiv proqram yoxdur.BVF valyuta rejimi icmalını fondun bütün üzvləri üçün standart şəkildə əməkdaşlığı davam etdirməyə və nizamnamə üzrə öhdəlikləri yerinə yetirməyə, texniki yardım göstərəmyə, eləcə də ölkəyə gözlənilən kapital axını ilə bağlı sabitləşdirmə üçün xüsusi stand by proqramını qəbul etməyə hazırdır.
