Azərbaycanın Kənd Təsərrüfatı, İqtisadi İnkişaf və MaliyyəNazirliklərinin, həmçinin Dövlət alqı-satqı Agentliyinin nümayəndələrindən ibarət komissiya Aqrolizinq ASC tərəfindən həyata keçirilmiş kənd təsərrüfatı texnikasının tədarükü üzrə birinci tenderin qanunvericiliyə və keçirilmə prosedurlarına uyğunluğunun və onun yekunlarının təhlilini başa çatdırıb.
Dövlət Alqı-satqı Agentliyində Trend ə bildirildiyi kimi, komissiya işini avqustun 12-də başa çatdırıb.
"Komissiyanın rəyində göstərilib ki, Aqrolizinq tender əsasında podratçıların seçilməsi prosesini lazımi səviyyədə və qanunvericiliyə tam uyğun olaraq təşkil edib. Bütün müqavilələr seçim prosesinin iştirakçılarının təkliflərinə əsaslanaraq ədalətlə bağlanılıb".
Eyni zamanda o da qeyd olunur ki, Dövlət Standartlaşdırma və Metrologiya Agentliyi texnikanın ölkədə fəaliyyət göstərən standartlara uyğunluğunu yoxlamalıdır".
Tender prosesinin təhlilinin təşəbbüsçüləri Rusiyanın taxıl yığan maşın və Belorusiyanın traktor istehsalçıları olublar.
"Seçilmiş podratçılar ən yaxşı qiymət şərtləri təklif ediblər", - deyə agentlikdə bildirilib. 2005-ci ildə Aqrolizinq 92 mlrd manat dəyərində texnika alacaq. Çin şirkəti Xingane 210 taxıl yığan kombayn, Türkiyənnin Yamakoglu Inshaat şirkəti 350 təkərli traktor, Koylu Tarin Makina Sanaye Ticaret şirkəti 584 qoşqulu kənd təsərrüfatı maşını, Azərbaycanın Kometa V.Ltd şirkəti isə 20 dəst mini texnika (traktor - və onlara qoşqular) tədarük edəcək.
Aqrolizinq Azərbaycan Respublikasının prezidenti İ.Əliyevin 23 oktyabr tarixli sərəncamı ilə yaradılıb. ASC-nin fəaliyyətinin təşkil olunması üçün 2005 və 2006-cı illərdə 100 mlrd manat və 5 ildən gec olmayan müddət ərzində qaytarmaq şərtilə 150 mlrd manat vəsait ayrılıb.