PA Consulting Group şirkətinin tərkibinə daxil olan PA Government Servİce Inc" Azərbaycanın istilik təsərrüfatındakı problemlərin həlli strategiyasını nəzərdə tutan pilot layihəsi çərçivəsində tender elan edib.Bu barədə Trend agentliyinə şirkətdə bildirilib.
Şirkət Sabunçu rayonunda Z.Şərifov küçəsi 22 saylı evdə soyuq su təminatı xəttinin əvəz edilməsi və su sayğaclarının quraşdırılmasını həyata keçirmək üçün podratçı seçmək niyyətindədir.Sənədlərin təqdim edilməsi üçün son müddət sentyabrın 9-dur.
Layihənin məqsədi strategiyada təklif edilən tövsiyələrin gerçəkləşdirilməsinin praktiki nümayişi, xüsusilə səmərəli yerli istilik təchizatı sisteminin yaradılması, iqtisadiyyat və elektrik enerjisinin məqsədyönlü istifadəsi üzrə tədbirlərin gerçəkləşdirilməsi, kommunal sektorda yeni idarəetmə formalarının tətbiq edilməsi və digər məsələlərdən ibarətdir.
PA Consulting şirkəti Azərbaycan hökumətinə ABŞ-nın Beynəlxalq inkişaf agentliyi (USAID) tərəfindən maliyyələşdirilən "Azərbaycanın energetika sektoruna texniki yardım göstərilməsi" layihəsi çərçivəsində İsitmə strategiyası təqdim edib.Strategiya çərçivəsində özəl sektora isitmə sisteminin verilməsi nəzərdə tutulur.