Azərbaycan prezidenti yanında Sahibkarlıq Şurasının regional inkişaf üzrə işçi qrupu regional sorğular təcrübəsini yeniləşdirməyi planlaşdırır. İşçi qrupunun rəhbəri Natiq Quliyevin Trend ə verdiyi məlumata görə, təcrübənin cari ilin noyabrında yeniləşəcəyi nəzərdə tutulub.
"Hazırda biz parlament seçkilərinin başa çatmasını gözləyirik, seçkilərdən sonra regionlardakı sahibkarlarla görüşlər keçirəcəyik. Sorğulara gəldikdə isə, biz bu dəfə onları daha peşəkar səviyyədə keçirmək niyyətindəyik", - deyə N.Şirinzadə qeyd edib.
Regional inkişaf üzrə işçi qrupu ilk dəfə olaraq cari ilin mayın 17-də regionlarda biznes-sorğunun nəticələrini təqdim edib. O zaman Azərbaycanın bütün iqtisadi zonalarından 200 sahibkarın iştirakı ilə sorğu keçirilib.
Sorğu zamanı məlum olub ki, kommunal təminat, yol infrastrukturunun kifayət qədər inkişaf etməməsi, bank kreditlərinin alınması ilə bağlı problemlər, bazar monopoliyası, sanitar-epidemioloji xidmətlərlə bağlı məsələlər bir çox regionlarda əsas və ümumi problemlərdir.
Bundan başqa, qeydiyyat, icra orqanlarının münasibəti, məhkəmə orqanlarının ədalətsizliyi, sahibkarların müdafiəsi üzrə qanunvericiliyin tətbiqi ilə bağlı problemlər də qaldırılıb.
