Azərbaycan və Finlandiya ikiqat vergidən yayınma haqqında saziş imzalayıb. Trend in məlumatına əsasən, AR iqtisadi inkişaf naziri Fərhad Əliyev bu barədə jurnalistlərə bildirib.Onun sözlərinə görə, ikitərəfli əməkdaşlığın inkişafında sahibkarları maraqlandıran əsas problem vergi qoyma və investisiyaların qarşılıqlı təşviqatı və müdafiəsi məsələləridir.İkinci məsələ üzrə saziş artıq imzalanıb.
"Bu gün Finlandiya və Azərbaycan iqtisadi əməkdaşlığının səviyyəsi istədiyimiz qədər yüksək deyil.İnvestisiyaların təşviqatı və müdafiəsi və ikiqat vergidən yayınma haqqında imzalanmış sazişlər bel əlaqələrin genişləndirilməsi üçün imkan yaradacaq" -deyə F.Əliyev bildirib.
Finlandiyanın ticarət və sənaye naziri Mauri Pekkarinen öz azərbaycanlı həmkarının "Finlandiya ilə Azərbaycan arasındakı əməkdaşlıqda bir çox problemlər ikiqat vergidən yayınma barədə imzalanmış saziş fonunda həll ediləcək" fikri ilə razılaşdığını bildirib.
"Hazırda Finlandiya şirkətlərinin çox az bir hissəsi Azərbaycanda təqdim olunur və biz bazarda iştirakımızı genişləndirməyə başlayırıq.Hazırda Finlandiyanın bəzi müəssisələri dünyanın on aparıcı şirkətləri sırasına daxil olur, bunlardan hər biri həmçinin Azərbaycanda müxtəlif sahələrdə öz xidmətlərini təqdim edir və mən düşünürəm ki, bu şirkətlər azərbaycanlı tərəfdaşları ilə birgə öz tərəfdaşlığını xeyli genişləndirə bilər" -deyə Mauri Pekkarinen qeyd edib.
Finlandiya nazirinin sözlərinə görə, 1993 -2003-cü illərdə Finlandiya xaricdə 63 mlrd. avro yaxud $70 mlrd.-dan çox investisiya qoyub.
Qeyd edək ki, cari ilin yanvar-iyulunda Azərbaycan Finlandiyaya $136,8 min dəyərində məhsul ixrac edib, $4116,9 mln. dəyərində isə idxal edib.Mənfi saldo $3980,1 mln. təşkil edib.