Dekabrın 3-də Dünya bankının kənd təsərrüfatının inkişafı Beynəlxalq fondu (IFAD) ilə birgə maliyyələşdirdiyi "Azərbaycanın kənd təsərrüfatının inkişafı və kreditləşdirilməsi" layihəsi çərçivəsində DB eksperti Frauk Yunqblutun başçılıq etdiyi missiyanın Bakıya səfəri başa çatır.
AR k/t Nazirliyində Trend ə bildirilib ki, DB missyasının məqsədi layihənin ikinci mərhələsində gerçəkləşdirilməsi nəzərdə tutulan tədbirlərin işlənib-hazırlanması və qiymətləndirilməsidir. Səfər çərçivəsində Bankın nümayəndələri rəsmi şəxslərlə, xüsusilə dekabrın 2-də layihənin gələcəkdə gerçəkləşdirilməsi məqsədilə k/t naziri İsmət Abbasovla görüşlər keçirib.
Azərbaycan və DB arasında həmin layihənin gerçəkləşdirilməsinə dair saziş 1999-cu ildə imzalanıb. Amma gerçəkləşdirilməyə 2002-ci ilin ikinci rübündə başlanılıb. Layihənin gerçəkləşdirilməsinin birinci mərhələsinə $33,6 mln. ayrılıb. 10 il müddətinə olan layihənin dəyəri $100 mln. olraq qiymətləndirilir.
Layihə fermerlərin toxunulmaz əmlakının qeydiyyatı, torpaqların qeydiyyatı və fermer təsərrüfatlarının kreditləşdirilməsi üzrə regional idarələrin yaradılmasını nəzərdə tutur.Layihənin birinci mərhələsi başa çatıb və dövlət strukturundan alınmış məlumata əsasən, gələn ildən layihənin $20 mln. dəyərində olan ikinci mərhələsinə başlanılması planlaşdırılır.
