...

Antalyada kənd təsərrüfatı bitkilərinin toxumlarının ticarəti üzrə beynəlxalq konfrans keçirilir

Biznes və iqtisadiyyat xəbərləri Materials 5 Dekabr 2005 18:14 (UTC +04:00)

Antalyada kənd təsərrüfatı bitkiləriin toxumlarının ticarəti üzrə beynəlxalq konfrans keçirilib. Tədbirdə Azərbaycan tərəfini Kənd Təsərrüfatı Nazirliyinin aqrar-elmi mərkəzinin rəhbəri Əsəd Musayev təmsil edib. Mərkəzdən Trend ə verilən məlumata görə, tədbir Türkiyənin Kənd Təsərrüfatı Nazirliyi və Quraqlıq rayonlarda kənd təsərrüfatı araşdırmaları Beynəlxalq Mərkəzi - ICARDA (International Center for Agricultural Research in the Dry Areas) tərəfindən təşkil olunub.

Konfransın işində dünyanın bir sıra ölkələrindən, o cümlədən, Orta Asiya və Cənubi Qafqazdan aqrar sahəsininin mütəxəssisləri iştirak ediblər.

Tədbirdə Ə.Musayev tədbir iştirakçılarını Azərbaycanda toxumların istehsalı və hazırlanması tədbirləri ilə tanış edib.

Mərkəzdən həmçinin, bildirilib ki, forumda müxtəlif ölkələr arasında toxum ticarəti, qanunsuz ticarətin qarşısının alınması, müəllif hüquqlarının müdafiəsi və digər məsələlər sahəsində əməkdaşlığın inkişafı üzrə məsələlər müzakirə olunub.

Xəbər lenti

Xəbər lenti