Dekabrın 16-da Dövlət Gömrük Komitəsinin rəhbəri Kəmaləddin Heydərov İqdır bələdiyyə başçısı Nurəddin Arasın rəhbərlik etdiyi türkiyəli nümayəndə heyətini qəbul edib. Bu barədə DGK-nın dekabrın 16-da yayılmış press-relizində bildirilir.
Görüş zamanı DGK rəhbəri Türkiyə ilə sıx əlaqələri, xüsusilə İqdır vilayətinin Naxçıvan MR-in əhalisinə yardımını vurğulayıb.
Bundan başqa, Türkiyə ilə sərhəddə yerləşən Sədərək gömrük-buraxılış məntəqəsinin dünya standartlarına uyğun fəaliyyət göstərməsi qeyd olunub.
Nurədddin Aras isə hər iki ölkə arasında ticarət əlaqələrinin genişləndirilməsi zəruriliyini vurğulayaraq tezliklə ticarət dövriyyəsinin artması istəyini bildirib.
