Auditorlar Palatası Şurası vergilərin auditi üzrə yeni proqramı təsdiqləyib. Bu barədə Trend ə Palatanın maliyyə şöbəsinin müdiri Vəli Rəhimov məlumat verib.
Onun sözlərinə görə, yeni proqram ölkənin mövcud Vergi Məcəlləsinə uyğun olaraq auditor fəaliyyətinin həyata keçirilmə qaydaları və şərtləri, auditin əsas istiqamətlərindən ibarətdir.
B.Rəhimov onu da vurğulayıb ki, proqramın əsas istiqamətləri ilə tanış olmaq və müzakirə etmək məqsədilə 2006-cı ilin birinci rübü ərzində strukturda palatanın auditorları, digər auditor şirkətlərinin, həmçinin, Vergilər nazirliyinin nümayəndələrinin iştirakı ilə seminarın keçirilməsi planlaşdırılır.
Strukturda Dünya bankının texniki yardımı hesabına auditor fəaliyyəti sahəsində qanunvericilik, xüsusilə "Auditor fəaliyyəti haqqında" və "Daxili audit haqqında" Qanunlar təkmilləşdirilir. DB mühasibat və audit sistemlərinin inkişafına $340 min vəsait ayırıb. Bu istiqamətdə işlərin 2006-cı ildə başa çatacağı nəzərdə tutulub.
