Xəzər Dəniz Gəmiçiliyi İdarəsi (KASPAR) 2005-ci ildə 13,681 mln tondan artıq müxtəlif neft məhsulları daşıyıb ki, bu da 2004-cü ildəkidən 472 min ton çoxdur. İdarədən Trend ə verilən məlumata görə, yüklərin ümumi həcmindən 9,803 mln tonu tankerlər, 2,667 mln tonu barjlar, 1,211 min tonu isə quru yük daşıyan gəmilər vasitəsilə daşınıb.
Yüklərin əsas hissəsi - 12,67 mln tonu Xəzər dənizi hövzəsində işləyən gəmilər vasitəsilə daşınıb ki, bu da 2004-cü ildəkindən 477 min ton çoxdur. MDB limanları arasında digər istiqamətlərdə olduğundan daha çox yük daşınıb. Eləcə də, bu marşrutlarla 9,691 mln ton yük daşınıb ki, bu da 2004-cü ildə olduğundan 27 min ton çoxdur. Avrvsiya nəqliyyat dəhlizi çərçivəsində 8,487 mln ton (7,729 mln ton tpanzit) yüklər daşınıb.
Xəzər dənizi hövzəsindən kənarda gəmilər vasitəsilə 1,7 mln ton yük daşınıb ki, bu da 2004-cü ildə olduğundan 126 min ton çoxdur. 2005-ci ildə Xəzər Dəniz Gəmiçiliiyi İdarəsinin donanmasının xidmətlərindən 18,2 min sərnişin istifadə edib.