Artıq 2006-cı ildə Bakı Fond Birjası özəlləşdirilmiş müəssisələrdəki dövlət payının bir hissəsinin fond bazarı vasitəsilə satışa çıxarılacağını gözləyir. BFB-nin prezidenti Anar Axundovun Trend ə verdiyi məlumata görə, birja özəlləşdirilmiş dövlət müəssisələrinin səhmlərinin satışını Fond Birjası vasitəsilə təmin etməyə hazırdır. Bununla əlaqədar hələ 2005-ci ildə əmlakın idarəedilməsi ilə bağlı Dövlət komitəsi ilə birgə təkliflər Nazirlər Kabinetinə göndərilmişdir.
"Beynəlxalq təcrübəyə əsaslansaq, bu, ölkə üçün bütün korporativ idarəetmə standartlarının təmin olunduğu mühüm sttrateji müəssisə ola bilər. Ola bilsin ki, bunlar BFB vasitəsilə yerləşdiriləcək 5%, 10% və 20%-lik kiçik səhmlər paketi olacaq", - deyə o qeyd edib. BFB prezidentinin sözlərinə görə, bu, "blue chips" adlı müəssisələrin formalaşdırılmasına imkan verəcək.
