Auditorlar Palatası yeni vergi auditi proqramı ilə işləyir. Strukturda Trend ə bildirilib ki, proqram 2005-ci ilin dekabrın sonunda Palata Şurası tərəfindən hazırlanıb və təsdiq edilib.
Strukturda həm də qeyd olunub ki, yeni proqram ölkənin Vergi Məcəlləsi əsasında auditor fəaliyyətinin aparılması qaydaları və şərtləri, auditin əsas istiqamətləri və bəndlərini əks etdirir.
Bundan başqa, yaxın vaxtlarda müəssisədə auditorlar Palatası, Azərbaycanda fəaliyyət göstərən digər auditor şirkətlərin, habelə vergilər Nazirliyinin nümayəndələrinin iştirakı ilə seminar keçirilməsi planlaşdırılır.
"Hazırda tədbirin dəqiq keçirilmə vaxtı müəyyən edilməyib. Amma bu istiqamətdə müvafiq işlər görülür"-deyə strukturda qeyd olunub.
Bütün bunlarla birgə struktur auditor fəaliyyəti sahəsində qanunvericiliyin, xüsusilə "Auditor xidmətləri haqqında" və " Daxili audit haqqında" qanunların təkmilləşdirilməsi üzərində iş aparır. Bununla bağlı işlər Dünya bankının (DB) texniki yardımı hesabına həyata keçirilir. DB-nin mühasibat və audit sisteminin inkişafına ayırdığı qrant $340 min təşkil edir. Bu işlərin 2006-cı ildə başa çatdırılması planlaşdırılır.
