Fevralın 13-də Azərbaycanın nəqliyyat naziri Ziya Məmmədov Bakıda Qazaxıstanın nəqliyyat və kommunikasiya naziri Askar Maminlə görüşüb. Bu barədə Trend ə nazirlikdən məlumat verilib.
Görüş zamanı hər iki ölkə arasında həyata keçirilən ixrac-idxal və tranzit daşımalarında əməkdaşlıq məsələləri, TRACECA dəhlizi ilə yük daşımalarının artırılması, o cümlədən Qars-Axalkalaki-Tiflis marşrutu ilə dəmir yolu rabitəsinin açılması layihəsi müzakirə olunub. Nazirlikdən bildirilib ki, Qazaxıstan tərəfi bu layihəyə böyük maraq göstərir.
Görüşdə, həmçinin, 2015-ci ilədək dəniz nəqliyyatı ilə daşımaların həcminin artırılması və bu prosesdə Qazaxıstanın Kurık və Bautino limanlarından istifadə məsələləri də müzakirə mövzusu olub.