Azərbaycanın regionlarında "quş qripi" virusunun aşkar edilməsi ilə bağlı növbəti monitorinq aparılır. Kənd təsərrüftı Nazirliyi yanında Dövlət Baytarlıq Xidmətində Trend ə bildirilib ki, fevralın 21-dən xüsusi komissiya tərəfindən monitorinq Ağcabədi, Ağgöl, Sarısu milli parklarında, Lənkəranda, Masallı, Səlyan, Dəvəçi, Pirallahı və Abşeronda aparılır.
Komissiya Dövlət Baytarlıq Xidməti, səhiyyə, ekologiya və təbii sərvətlər nazirlikləri, ovçular birliyi və AMEA Zoologiya institutunun mütəxəssislərindən ibarətdir.
Ötən monitorinqdə yığılmış nümunələrə əsasən Londonda Veybric laboratoriyası Xəzər dənizi yaxınlığındakı ərazilərdə, Ceyranbatan su ambarı və Ağgöl milli parkı ərazisində köçəri çöl quşlarının bəzi nümunələrində "quş qripi" virusunu aşkar edib.
Monitorinqlərlə yanaşı yerli bələdiyyələr, ölkənin dair və rayon baytarlıq idarələri tərəfindən təhlilə yararlı ölü quşlarda yoxlamalar aparılır və laboratoriyaya göndərilir. Təhlilə yararlı olmayan ölü qüşlar yerində məhv edilir.