Azərsun Holding-in İmişlidə şəkər zavodunun rəsmi açılışı martın son on günlüyünə planlaşdırılır. Müəssisədə Trend ə bildirilib ki, indi sınaq istehsalı və sazlama işləri aparılır.
"Hazırda sınaq istehsalının həcmi təxminən 3 min ton şəkər təşkil edir" -deyə şirkətdə qeyd olunub.
Müəssisənin istehsal gücü gündəlik 5 min ton şəkər təşkil edəcək.
Hazırda şirkət 15 min tondan çox həcmdə şəkər istehsalı prosesində tətbiq olunmaq üçün daxili çuğundur ehtiyatına malikdir.Zavodda istehsal üçün çuğundura illik tələbat təxminən 500-600 min ton təşkil edəcək. Müəssisənin inkişafına təxminən $80 mln. sərmayə qoyulub.
1992-ci ildə yaradılmış Azərsun Holding-in əməkdaşlarının sayı bu gün 3 min nəfəri ötür. Holdinqin fəaliyyət sahələri - çay, bitki yağının emalı və qablaşdırılması, ticarət və distribütorluq, inşaat, bank işi, sığorta, karton- kağız məmulatları, ət və tərəvəz konservləri istehsalı, yük daşınması və saxlanması və digər sahələri əhatə edir.
