Özəlləşdirmə prosesinin operativliyini təmin etmək üçün Bakı üzrə Dövlət Əmlakının idarə olunması üzrə Dövlət Komitəsinin 4 şöbəsi fəaliyyətə başlayıb. Dövlət Komitəsinin sədri Kərəm Həsənovun jurnalistlərə verdiyi məlumata görə, eləcə də yaxın vaxtlarda 19 regional şöbə fəaliyyətə başlayacaq. Onlar Özəlləşdirmə və dövlət əmlakının idarə olunması Departamentinin İqtisadi İnkişaf Nazirliyindən ayrılana qədər fəaliyyət göstərən ləğv olunmuş 67 şöbənin bazasında yaradılıb.
Yeri gəlmişkən, 2006-cı ilin 1-ci rübündə 6 səhmdar cəmiyyət (SC) təsis edilib, 12 çek hərracı keçirilib ki, həmin hərraclar zamanı 40 SC-in səhmləri satılıb. Ümumilikdə, özəlləşdirmə prosesinin gedişində 1520 SC yaradılıb. Onların səhmlərinin satışı ilə əlaqədar aprelin 1-nə olan vəziyyətə görə, 353 pul və 90 çek hərracı keçirilib. K.Həsənov özəlləşdirmə çeklərinin dövriyyəsi müddəti başa çatana kimi, yəni 2008-ci ili yanvarın 1-nə qədər yerdə qalan yeklərin tam olaraq hesabdan silinəcəyinə əmindir. Bu gün dövriyyədən 14,3 mln. çek çıxarılıb və bu da onların ümumi sayının 45% -ni təşkil edir.
Öirinci rübdə 80 obyektin yerləşdiyi torpaq sahəsi özəlləşdirilib. Özəlləşdirmə prosesi zamanı 1300 belə torpaq sahələri özəlləşdirilib.
Dövlət əmlakının özəlləşdirilməsindən dövlət büdcəsinə 4,5 mln. AZN, ümumilikdə, özəlləşdjirmənin əvvəlindən 206 mln. AZN vəsait köçürülüb.
