...

AYİB ADDYİ üçün kreditin ayrılmasına dair qərarı iyunun 27-də qəbul edəcək

Biznes və iqtisadiyyat xəbərləri Materials 2 May 2006 15:40 (UTC +04:00)

İyunun 27-də Avropa Yenidənqurma və İnkişaf Bankının Direktorlar Şurasında Azərbaycan Dövlət Dəmir Yolu İdarəsinin lokomotiv təsərrüfatının yaxşılaşdırılması üçün $50 mln kreditin ayrılmasına dair qərar təsdiq ediləcək. Bu barədə Trend bankın rəsmi məlumatına istinadən xəbər verir. Əvvəlcə bu proses 21 mart 2006-cı ildə həyata keçirilməli idi.

Nazirlər Kabineti Nəqliyyat Nazirliyinə kreditin şərtlərini razılaşdırmaq üçün AYİB-lə son danışıqlar aparmağı tapşırıb. Bu danışıqlar mayın 10-da AYİB-in nəqliyyat missiyasının Azərbaycana səfəri zamanı aparıla bilər. Bu barədə Trend ə hökumətdən bildirilib. Kredit dövlət zəmanəti ilə veriləcək.

$50 mln məbləğində kredit müəyyən planların təcili olaraq həyata keçirilməsi zərurəti ilə əlaqədar iki tranşla veriləcək. Birinci tranş lokomotivlərin alınması üçün nəzərdə tutulacaq. Bu məqsədlə bank $27 mln ayıracaq. $23 mln məbləğində ikinci tranş Biləcəri və Böyük Şorda lokomotiv xidmət bazasının yaradılması, o cümlədən ehtiyat hissələrinin alınması üçün nəzərdə tutulur. Həmçinin, 60 ədəd elektrovoz və teplovozun əsaslı təmiri də planlaşdırılır.

Layihənin ümumi dəyəri $70 mln təşkil edir. Layihədə əsas məqsəd elektrik yük lokomotivləri almaqla, elektrik manevr lokomotivlərini və 4 lokomotiv anbarı üçün avadanlıqları bərpa etməklə ölkənin dəmir yollarının vəziyyətini yaxşılaşdırmaqdan ibarətdir. Bu, Qafqaz dəmiryol xətti ilə və şərq-qərb istiqamətində neft və neft məhsullarının nəqlini yaxşılaşdırmağa imkan verəcək. Layihə, həmçinin, ADDYİ-nin apardığı dəmiryol əməliyyatlarının təhlükəsizliyini və səmərəliliyini artıracaq, neft və neft məhsullarının 75%-nin dəmir yolu ilə daşınması ilə əlaqədar neft ləkələrinin əmələ gəlmə riskini azaldacaq.

Xəbər lenti

Xəbər lenti