Yaxın vaxtlarda Nəqliyyat Nazirliyi Bakıda nəqliyyat infrastrukturu işinin yüngülləşdirilməsi məqsədilə 13 yeraltı və yerüstü keçid tikdirəcək. Bu barədə, Trend agentliyinin məlumatına əsasən, nəqliyyat naziri Ziya Məmmədov bildirib. Bu tikililər nəqliyyatın gur olduğu yerlərdə tikiləcək. Hazırda həmin keçidlərin layihələri hazırlanır.
Nəqliyyat Nazirliyi 2-ci Bakıətrafı dairəvi yolun tikintisi və "Məşədi Əzizbəyov"-hava limanı avtomobil yolunun genişləndirilməsi layihəsi üzərində işi davam edir. Bu layihələrin texniki-iqtisadi əsaslandırması başa çatdırıldıqdan sonra tikintiyə başlanacaq.
