Azərbaycan "Coğrafi adların standartlaşdırlıması haqqında" qanun layihəsini qəbul edib BMT-nin coğrafi adların standartlaşdırılması ilə bağlı Şərqi Avropa, Şimali və Mərkəzi Asiya ölkələri üzrə şöbəsinə göndərməlidir. Trend xəbər verir ki, bu barədə jurnalistlərə Torpaq və Xəritəçəkmə Komitəsinin sədri Qərib Məmmədov bildirib.
Q.Məmmədov qeyd edib ki, ermənilər məlum qanunun qəbul edilməməsindən su istifadə edib tarixi adlarımızı, toponimlərimizi dəyişdirirlər. Q.Məmmədov bildirib ki, komitə tərəfindən coğrafi adların standartları hazırlanıb: "Sadəcə olaraq bu qanun qəbul edilməlidir. 5 ildir ki, qanun layihəsini parlamentə təqdim etmişəm. Hələ bir xəbər yoxdur".
Q.Məmmədov onu da vurğulayıb ki, BMT-nin coğrafi adların standartlaşdırılması ilə bağlı Şərqi Avropa, Şimali və Mərkəzi Asiya ölkələri üzrə şöbəsi Rusiya, Azərbaycan və Ukraynanın təsisçiliyi ilə yaradalıb. Şöbənin 19 üzvü var.