10 il ərzində Azərbaycan Milli Məclisində aqrar sahəyə aid 100-ə yaxın qanun qəbul edilib. Trend xəbər verir ki, bu barədə Milli Məclisin aqrar siyasət daimi komissiyasının sədri Eldar İbrahimov bildirib.
Komissiya sədri oqnu da vurğulayıb ki, 42 qanun yeni qəbul edilib, 47 qanuna isə müvafiq əlavə və dəyişikliklər olunub: "Ancaq qəbul olunan bütün qanunların başında "Torpaq islahatı haqqında" qanun durur". Bu qanunun 1996-cı il iyunun 16-da qəbul olunduğunu bildirən E.İbrahimov qanuna əsasən 3,5 milyon əhaliyə (8065 ailə) torpaq paylandığını bildirib. E.İbrahimov qəbul edilən qanunların yerlərdə icra olunmasında problemlərin yarandığını da vurğulayıb. Buna "Çayçılıq haqqında" qəbul edilən qanunu misal çəkib.
Komissiya sədri aqrar sahənin qanunvericilik bazasının təkmilləşdirilməsi məqsədilə yeni qanunların da qəbul edilməsinin zəruriliyini bildirib: "Pambıqçılıq haqqında", nadir bitkilərin istehsalı və ixracı haqqında qanunlar qəbul edilməlidir".
