Azərbaycan hökuməti Yaponiyanın ölkəmizdəki səfirliyinə külək elektrik enerjisi mənbələrinin tikintisində maraqlı olan yapon firmalarının təkliflər verməsi barədə xəbərdarlıq etməklə bağlı xahişlə müraciət edib. Bu barədə Trend ə hökumətdən məlumat verilib.
Hələ 1998-99-cu illərdə Yaponiyanın Tomen şirkəti Azərbaycanda tədqiqatlar aparıb və 3 aylıq işlərin nəticəsi olaraq hesabat hazırlanıb. Qobustanda gücü 60 MVt olan külək elektrik stansiyalarının tikintisi $100 mln. dəyərində qiymətlənidirilib. Bu yer külək elektrik stansiyasının tikintisi üçün ən ideal yer sayılır. Çünki Qobustanda yerdən 10 km yüksəklikdə küləyin sürəti saatda 8 metr sürətlə əsir. Lakin dəyərinin yüksək olması ilə bağlı layihə həmin illərdə hökumətdə dəstək qazanmadı və təxirə salındı. Hazırda daxili gəlirlərin artması ilə bağlı Azərbaycan artıq onu öz ehtiyatları hesabına maliyyələşdirə bilər.
Hökumət maliyyə mənbələrini hələ müəyyən etməyib. Lakin bunun üçün yenə də daxili vəsaitlərdən istifadə ediləcəyi istisna edilmir. Əgər Yaponiyanın Beynəlxalq Əməkdaşlıq Bankından kredit cəlb edilərsə, onda Azərbaycan 2 il gözləməli olacaq. Proseduranın belə uzun olması layihələrə yenidən baxılmasındakı növbə ilə bağlıdır. Bu gün artıq JBIC-nin ilk növbədə maliyyələşdirəcəyi iki belə layihə (kiçik şəhərlərdə su təchizatı və kanalizasiya sistemlərinin rekonstruksiyası və insan ehtiyatlarının inkişafı) mövcuddur.
