Milli bank tərəfindən açıqlanmış ödəniş balansına əsasən, 2006-cı ilin birinci rübündə kredit və borcların özəl sektoruna cəlb olunmuş zəmanətli və zəmanətsiz kreditlərin, depozit və digər kapital qoyuluşlarının xüsusi çəkisi xarici investisiyaların ümumi həcminin 14,7%-ni təşkil edib. ANB-dən Trend ə verilən xəbərə görə, onların ümumi həcmi 168,7 milyon dollar olub.
Cəlb olunmuş kreditlərin ümumi həcminin 5,9%-i (9,9 milyon dollar) beynəlxalq neft-qaz müqavilələri çərçivəsində Azərbaycan ərazisindəki işlərin maliyyələşdirilməsi üçün MN-dən cəlb olunmuş borcların payına düşür.
Hesabat dövrü ərzində birbaşa dövlət tərəfindən və dövlət zəmanəti altında 108,2 milyon dollar məbləğində kredit cəlb olunub. Beynəlxalq maliyyə institutları tərəfindən ayrılmış kreditlərdən "Azərenerji", "Azərsu", Nəqliyyat nazirliyinin investisiya layihələrinin maliyyələşdirilməsi və irriqasiya-drenaj sisteminin bərpası üçün ötən il 89,4 milyon dollar və VB-dən alınmış 18,8 milyon dollar istifadə olunub.
50,6 milyon dollar məbləğində kredit və digər investisiyalar banklar, BM və firmalar tərəifndən cəlb olunub.