Qara dəniz ticarət və inkişaf bankının (QTİB) İdarə heyətinin səkkizinci illik iclası iyunun 10-dan öz işinə başlayır. Bu barədə Trend ə İqtisadi inkişaf nazirliyindən xəbər veriblər. İclas iki gün çəkəcək və iclasın birinci günü QTİB prezidenti, iqtiadi inkişaf, maliyyə nazirlərinin deyil , onların müavinlərinin iştirakı gözlənilir.
İdarə heyəti iclasının gündəliyinə əsasən, iclasda illik hesabatın təsdiqi gözlənilir, həmçinin bank kapitalının bölüşdürülməmiş hissəsi haqqında qərar qəbul ediləcək. İllik iclas İqtisadi inkişaf naziri Heydər Əliyevin sədrliyi altında keçəcək.
Biznes günü iyunun 12-də olacaq, burada investor və iş adamları maliyyə, aqrobiznes və infrastrukturun inkişaf sektorunda regional əməkdaşlıq imkanlarını müzakirə edəcəklər. Biznes gündə 300-ə yaxın iştirakçının olacağı gözlənilir. O, üç sessiyada keçəcək. İlk iş sessiyasının mövzusu iqtisadi inkişafda maliyyə sektorunun roludur. İkinci sessiyada kənd təsərrüfatındakı investisiya imkanları, üçüncüdə isə bölgədə infrastrukturun inkişafı müzakirə ediləcək.
Həmin gün Qara dəniz bankı ilə müqavilələrin imzalanacağı ehtimal olunur.
Bu ilki iclasın fərqləndirici xüsusiyyəti odur ki, müşahidəçi qismində iclasda ilk dəfə olaraq Almaniyanın KFW bankının Avropa üzrə birinci vitse-prezidenti Doris Ken iştirak edəcək. Bu, bank fəaliyyətinin yeni mərhələsinin başlanğıcı olacaq və bundan sonra QTİB digər beynəlxalq təşkilatlar, qabaqcıl təcrübəsi və kapitalından istifadə etməyə imkan verən ölkələr üçün açıq olacaq.
