Dövlət Statistika Komitəsinin məlumatlarına əsasən, 2006-cı ilin yanvar-may aylarında Azərbaycanın nəqliyyat sektoru 54,1 mln. ton müxtəlif yük daşıyıb ki, bu da ötən ilki göstərici ilə müqayisədə 9,8% çoxdur. Trend agentliyinin məlumatına əsasən, daşınmış yüklərin 53,3%-i özəl sektorun payına düşür. Yüklərin 50,5%-i avtomobil nəqliyyatı, 15,6%-i boru kəmərləri, 23%-i dəmir yolu və 10,8%-i dəniz nəqliyyatı ilə daşınıb.
Bu müddətdə sərnişin nəqliyyatı 420,1 mln. nəfər daşıyıb ki, bu da ötən ilin müvafiq dövrinə nisbətən 5,4% çoxdur. Bunun 83,2%-i özəl sektorun payına düşür.
Dəmir yolu nəqliyyatı tərəfindən 12,4 mln. ton müxtəlif yüklər daşınıb ki, bu də ötən ilki göstəricilə müqayisədə 29,1% çoxdur.
Dəniz nəqliyyatı ilə 5,9 mln. ton müxtəlif yük daşınıb, yəni ötən ilin analoji müddətinə nisbətən 3,3% çoxdur. Daşınmış yüklərin üçdə biri neft və neft məhsulları, qalan hissəsi isə quru yüklər, 99,5% beynəlxalq əməliyyatların payına düşür.
Azərbaycan limanlarında emal edilmiş yüklərin həcmi 2006-cı ilin yanvar-may aylarında 2,9 mln. ton təşkil edib. Bu ötən ilki göstəricidən 8,2% çoxdur. Emal edilmiş yüklərin 81,9%-i 2,7% azalmış tranzit yüklərin payına düşür. Eyni zamanda idxalat məhsullarının həcmi 1,9 dəfər, ixracat məhsularının isə 2,4 dəfə artıb. Avtomobil nəqliyyatı ilə 27,3 mln. ton yük daşınıb ki, bu da ötən ilin müvafiq dövri ilə müqayisədə 6,1% çoxdur. Sərnişin daşımanın həcmi 350,1 mln. nəfər (5,3% arıb) təşkil edib. Metropolitenlə daşınan sərnişinlərin sayı 6,2% artaraq 67,3 mln. nəfər təşkil edib. Trolleybuslarla daşınma 3,7 dəfə azalaraq 99,4 min nəfər təşkil edib.
Hava nəqliyyatı ilə sərnişin daşıma 8,7% artaraq 444,9 min nəfər təşkil edib. Bunun 5,8%-i qeyri-dövlət sektorunun payına düşür.
Yanvar-aprel aylarında Avrasiya nəqliyyat dəhlizi ilə Azərbaycan ərazisindən 16 mln. ton daşınıb, ki bu da ötən ilki göstəriciyə nisbətən 12,3% çoxdur.