Hazırda CredArgo qeyri-bank kredit təşkilatının lizinq portfeli bütün sazişlər üzrə 100 min ABŞ dolları təşkil edib. Bu barədə Trend ə təşkilatdan xəbər veriblər. CredArgo lizinq xidmətlərinin həyata keçirilməsinə 2005-ci ilin noyabr ayından başalyıb və pilot layihə qismində lizinq əməliyyatları Masallı və Cəlilabaddan başlayıb. İndi bu sahədəki fəaliyyət Bakı və Xaçmaza keçib.
CredArgo-nun şərtlərinə əsasən, kənd təsərrüfatı texnikası, hasilat avadanlığı, yük nəqliyyat vasitələri illik 21-28%-lə üç il müddətinə lizinqə verilib.
Kredit təşkilatında ehtimal edirlər ki, AYİB-dən kredit aldıqdan sonra bu il lizinq portfelini genişləndirmək imkanı olacaq. Bu kreditin bir hissəsi bu məqsədlərə yönəldiləcək. Bu gün o, 5,3 milyon ABŞ dolları səviyyəsində formalaşan kredit portfeli ilə müqayisədə çox da böyük deyil. Kreditlər 2002-ci ildən CredArgo -nun təqdim etdiyi USAİD qrantı hesabına verilir. Kredit təşkilatı ötən il İsveçrənin Dexia / Blue Orchard mikromaliyyələşdirmə fondundan 800 min ABŞ dolları həcmində kredit də alıb. CredArgo-nun nizamnamə kapitalı isə 5 min ABŞ dolları səviyyəsində formalaşıb.
