Azərbaycanın Kənd Təsərrüfatı Nazirliyinin məlumatlarına görə, bostan bitkilərinin istehsalı 14 200 ton təşkil edib, bu isə 2005-ci ilin həmin dövrü ilə müqayisədə 2654 ton çoxdur. Kənd Təsərrüfatı Nazirliyinin bitkiçilk məhsulunun istehsal və emalı və torpaqdan istifadəyə nəzarət şöbəsinin rəis müavini Rizvan Mustafayevin Trend ə verdiyi xəbərə görə, məhsul 28716 hektar sahədən yığılıb. Meyvə yığımı 62 min ton təşkil edib.
17600 hektar sahədən 233 400 ton kartof yığılıb, bu isə ötən ilin analoji dövrü ilə müqayisədə 22 400 ton çoxdur.
2005-ci ildə Azərbaycanda bostan yığımı 363 800 ton təşkil edib və bu 2004-cü ilin göstəricisindən 8500 ton artıqdır. Ümumi əkin sahəsindən 625 133 ton meyvə yığılıb, 2004-cü illə müqayisədə bu, 200 min ton çox məhsul deməkdir. Kartof yığımı isə 1 milyon tonu ötüb.
