İnflyasiya artımının qarşısını almaq üçün səmərəli vasitələrdən biri qiymətli kağızlar bazarının genişləndirilməsidir ki, bu da artıq pul kütləsinin dövriyyədən çıxarılmasına köməklik göstərir. Fond bazarının inkişafından başqa, gələcəkdə xarici emitentlər üçün qiymətli kağızlar almaq üçün şərait yaratmaqdır.
Qiymətli Kağızlar üzrə Dövlət Komitəsinin sədri Gündüz Məmmədovun Trend ə verdiyi məlumata görə, hazırda bu mümkün deyil, çünki qanunverici xarakterli problemlər var. Özü də bu problemlər təkcə Azərbaycan qanunvericiliyində deyil, həm də qonşu ölkələrin (Rusiya, Qazaxıstan, Moldova) qanunvericiliyində də var. Onun sözlərinə görə, bir çox ölkələrin valyuta qanunvericiliyində qiymətli kağızlar vasitəsilə kapital axını üçün maneələr var. Bəzi ölkələrdə depozit sistemində müxbir hesabların açılması ilə bağlı problemlər var.
"Hazırda bu maneələri aradan qaldırmaq üçün qanunvericiliklərin leqallaşdırılması və uyğunlaşdırılması gedir. Hesab edirəm ki, gələcəkdə dövlətlər arasında transsərhəd sövdələşmələr üzrə yeni hərraclar üçün şərait yaratdıq, sonra isə qiymətli kağızlarla hərrac genişlənər. Hələlik bir-birimizin qanunvericiliklərini öyrənirik ki, transsərhəd sövdələr üçün şərait yaradaq" - deyə G.Məmmədov qeyd edib.
Bundan başqa, hazırda dövlətlər arasında qiymətli kağızlar bazarının peşəkar iştirakçılarının lisenziyalarının qarşılıqlı sürətdə tanınması ilə bağlı danışıqlar aparılır. "Başqa ölkələrin brokerlərinin Azərbaycana və Azərbaycan brokerlərinin xarici ölkələrə buraxılması ilə əlaqədar problemlər var və bu məsələlər müzakirə olunmaqdadır. Hesab edirəm ki, maksimum 1-2 ildən sonra bu məsələlər həllini tapacaq" - deyə QKDK-dən bildiriblər.
