2006-cı ilin birinci yarımilində Azərbaycanda 2551 yeni müəssisə qeydiyyata alınıb. Trend in Dövlət Statistika Komitəsinə istinadən xəbər verdiyi kimi, bunların 893-ü "Topdan və pərakəndə satış, avtomobillərin, məişət və şəxsi əşyaların təmiri", 373-ü - "İnşaat", 262-si - "Daşınmaz əmlakla bağlı əməliyyatlar", "İcarə və istehlak xidmətləri", 235-i -"Kənd təsərrüfatı, ov və meşə təsərrüfatı", 231-i - "Müxtəlif kommunal, sosial və istehlak xidmətləri" və 229-u - "Emal sənayesi" üzrə yaradılıb.
Qeydiyyata alınmış 2551 müəssisədən 94-ü dövlət ssektoru, 2265-i özəl sektorun payına düşüb. Bu müəssisələrin 142-nə xarici sərmayə qoyulub. Bunların 48-i müştərək müəssisə, 2-si isə bələdiyyə müəssisələrdir.
