...

Azərbaycanın gömrük orqanları 87 mindən artıq yük bəyannaməsini rəsmiləşdirib

Biznes və iqtisadiyyat xəbərləri Materials 22 İyul 2006 12:32 (UTC +04:00)

2006-cı ilin birinci yarısında Azərbaycanın gömrük orqanları 87421 yük gömrük bəyannaməsini (116494 əlavə vərəqəli) rəsmiləşdirib. Onlardan 19277-i (22029 əlavə vərəqəli) ixracın payına, 68144-ü (94465 əlavə vərəqəli) isə idxalın payına düşüb.

Trend in Dövlət Gömrük Komitəsinə (DGK) istinadən xəbər verdiyi kimi, 2005-ci ilin eyni dövrü ilə müqayisədə bəyannamələrin ümumi sayı 109,2% və ya 7835-dən artıq bəyannamə təşkil edib. O cümlədən ixrac üzrə bəyannamələrin sayı 3165 vahid (119,6%), ixrac üzrə isə 4220 vahid (106,6%) artıb.

Bu dövrdə bütün nəqliyyat vasitələri ilə 12165,1 min ton yük daşınıb, bu isə ötən illə müqayisədə 141,37% təşkil edib. Ümumi yükdən 6745,5 min ton ixracın, 5419,6 min ton isə idxalın payına düşüb. İxrac əməliyyatları üzrə dəniz (3637,1 min ton), dəmir yolu (637,4 min ton), avtomobil (251,8 min ton) nəqliyyatı və boru kəməri üzrə nəql (2210,9 min ton) digərlərindən fərqlənib.

Azərbaycan ərazisi üzrə tranzit qismində 3161,8 min ton yük daşınıb. Yüklər əsasən İsveçrədən (952,4 min ton), İtaliya (776,9 min ton), Gürcüstan (617,7 min ton), Kipr (112,3 min ton), Tacikistan (159,7 min ton), Rusiya (92,5 min ton), İran (95,8 min ton), Türkiyə (86,9 min ton) və Türkmənistandan (87,7 min ton) gətirilib. Azərbaycan ərazisindən keçməklə, nəql edilən yüklərin ümumi həcmi 68,9% təşkil edib və ya 2005-ci ilin analoji dövrü ilə müqayisədə 1430,6 min ton azalıb.

Xəbər lenti

Xəbər lenti