Dünya bankının Azərbaycan ilə tərəfdaşlıq strategiyası (2006-09-cu illər)
bankın baş ofisində departamentlərin başçıları səviyyəsində daxili razılaşmadan keçir. Bu barədə Trend ə DB-nin Bakı nümayəndəliyindən məlumat verilib. Daha sonra strategiya baxılmaq üçün sentyabrın 7-də bankın Direktorlar Şurasına təqdim olunacaq.
2007-ci ildə AR üçün güzəştli kreditlərin həcminin müəyyən edilməsi ilə yanaşı, 2015-ci ilədək nəzərdə tutulmuş yoxsulluğun azaldılması və sabit inkişaf üzrə Dövlət proqramı layihəsinin indiyədək tərəfdaşlıq strategiyasının təsdiqlənmə tarixlərinin təxirə salınmasının əsas səbəblərindən biri olmasına baxmayaraq, bu tarix dəyişməz olaraq qalır. Bu proqrama hələ də hökumət tərəfindən baxılır. DB strategiyanı dövlət proqramı ilə birgə Direktorlar Şurasının müzakirəsinə çıxarmaq niyyətindədir.
Strategiyanın ümumi dəyəri təxminən $1,2 mlrd təşkil edir. Bunun 79,4 milyonu Beynəlxalq İnkişaf Assosiasiyasının xətti ilə güzəştli kredit kimi, yerdə qalan vəsait isə Beynəlxalq Yenidənqurma və İnkişaf bankının xətti ilə ayrılacaq.
Bankın Azərbaycan ilətərəfdaşlıq strategiyasına görə, gələcəkdə təhsil, mühasibat uçotu, su təchizatı və kanalizasiya sistemlərinin təkmilləşdirilməsi, dəmiryol şəbəkəsinin inkişafı və digər sahələrdə layihələri maliyyələşdirməyi planlaşdırır.