ATIB (Azərbaycan-Türkiyə İş Adamlarının Birliyi) 2006-cı ilin 3-4-cü rübündə təhsil üzrə milli fondun yaradılması üzrə planı həyata keçirmək niyyətindədir. Birliyin rəhbəri Ahmet Erentokun Trend ə verdiyi məlumata əsasən, bu gün UNICEF nümayəndələrilə görüş keçiriləcək. Burada təhsil sahəsində əməkdaşlıq perspektivləri müzakirə olunacaq.
"Bu gün Azərbaycanda təhsilin inkişaf etdirilməsinə böyük tələbat var. Neftdən gözlənilən böyük gəlirlər baxımından, bunların səmərəli və düzgün idarəsi üçün dərin biliklər tələb olunur" - deyə A.Erentok qeyd edib. Onun sözlərinə görə, peşəkar səviyyənin artırılması üçün ATIB Bakı Dövlət Universitetilə memorandum imzalayıb. Təhsil sahəsində əməkdaşlığın qurulması üçün xarici investorlarla görüşlər keçirilir.
