Yaxın Şərq və Orta Asiya ölkələri ilə iş üzrə Departamentin direktor müavini Vitali Kramarenkonun başçılığı ilə Beynəlxalq Valyuta Fondu (BVF) missiyasının avqustun axırı - sentyabrın əvvəlində Azərbaycana səfəri gözlənilir. Bu barədə Trend ə fondun Bakı nümayəndəliyindən xəbər veriblər.
Valyuta fondu missiyasının son səfəri zamanı hökümət makroiqtisadi vəziyyətə nəzarət kontekstində mütəmadi məsləhətləşmələrdə maraqlı olduğunu artıq bildirib. Bununla əlaqədar fond ən azı ildə bir dəfə böyük missiya çərçivəsində "BVF haqqında" Sazişin II maddəsi üzrə icmal keçirmək qərarına gəlib. Lazım gələrsə, bir və ya iki missiya ola bilər.
Səfər zamanı qonaqlar həmçinin 2007-ci il üçün büdcə proqnozlarının, makroiqtisadi vəziyyətin formalaşması prosesi, inflyasiya artımının aradan qaldırılması üzrə tədbirlərlə tanış olacaqlar.
BVF missiyasının səfərinin məqsədi BVF haqqında sazişin II maddəsi, həmçinin gələcək əməkdaşlığın forması çərçivəsində Azərbaycan höküməti ilə araşdırma və müzakirələrin keçirilməsindən ibarətdir. Hökümət icmalların kreditlərin ayrılması ilə müşayiət edilməsindən imtina edib, gələcək əməkdaşlıq məsləhətləşmələr çərçivəsində olacaq və bu da, həmçinin proqramlar əsasında həyata keçirilə bilər.
