"Təhsil haqqında" qanun bu il Milli Məclisin payız sessiyasında da qəbul edilməyə bilər. Bu barədə Trend ə Milli Məclisin elm və təhsil komissiyasının üzvü, millət vəkili Cəmil Həsənli bildirib.
O, qeyd edib ki, "Təhsil haqqında" qanun layihəsi parlamentin bir neçə sessiyasında gündəliyə salınıb, lakin indiyədək müzakirə olunmayıb. Cəmil Həsənlinin fikrincə, qanun layihəsini hazırlayan və razılaşdıran dövlət orqanları hələ də mübahisəli məqamlara son qoymayıblar: "Mən əmin deyiləm ki, qanun layihəsini müzakirəyə çıxarmaq üçün tərəflər razılaşıblar. Mənə elə elə gəlir ki, hələ də ortada konkret razılıq yoxdur. Ola bilər ki, payız sessiyasının gedişində bu proses başa çatsın. O zaman qanun layihəsi müzakirəyə çıxarılaraq qəbul edilə bilər", - deyə millət vəkili qeyd edib.