Azərbaycanın Ekologiya və Təbii Sərvətlər Nazirliyi "quş qripi" ilə mübarizə çərçivəsində yeni laboratoriya yaradır. Nazirlikdən Trend ə verilən məlumata görə, artıq laboratoriyanın yerləşəcəyi bina ayrılıb. Yaxın vaxtlarda laboratoriya üçün avadanlıqlar veriləcək.
"Laboratoriyanın oktyabrda istismara verilməsi planlaşdırılır" - deyə dövlət strukturundan bildirilib.
Yeni laboratoriya "quş qripi", o cümlədən heyvanlar arasında müxtəlif növ xəstəliklərin araşdırılması üçün nəzərdə tutulub.
Bundan əvvəl nazirlik laboratoriya üçün müvafiq avadanlığın alınması üzrə tender elan edib. Bu tenderin qalibi Türkiyənin Altunok Medical şirkəti olub.
Laboratoriya Azərbaycanda quş qripinin aradan qaldırılması və bu sahədə bütün qurumların fəaliyyətinin əlaqələndirilməsi üzrə dövlət komissiyası tərəfindən nazirliyə ayrılmış 200 min AZN hesabına yaradılır. Nazirlik tərəfindən belə laboratoriya ilk dəfədir ki, yaradılır.