Azərbaycan Beynəlxalq Bankı (ABB) səhmdarları yığıncağının qərarı ilə 2007-ci ildə bankın nizamnamə kapitalı iki dəfə artırılacaq. ABB idarə heyətinin sədri Cahangir Hacıyevin Trend ə verdiyi xəbərə görə, 2006-cı ilin sonunadək səhmdarlar tərəfindən hələ ötən il elan edilmiş emissiyanın ödənişi başa çatdırılacaq. Nəticədə ABB-nin nizamnamə kapitalı 100 mlrd. köhnə manatdan (20 mln. AZN) 200 mlrd. manata qədər (40 mln. AZN) artırılacaq.
Gələn il bu məbləğin 100 mln. AZN-ə qədər artırılması nəzərdə tutulub.
Maliyyə Nazirliyində dövlət bankının kapitalının artırılması məsələsi çox yaxşı qarşılanıb, çünki dövlət paketinin (50,2%) özəlləşdirilməsi nəticəsində bu, dövlət büdcəsinin xeyrinə olacaq. Bununla əlaqədar, 2007-ci ilin üçün dövlət büdcəsinin formalaşdırılması zamanı hər iki dövlət bankının kapitallarının artırılması üçün vəsait qoyulacaq.
