...

8 ay ərzində Azərbaycanda pul kütləsi 45,6% artıb

Biznes və iqtisadiyyat xəbərləri Materials 28 Sentyabr 2006 20:45 (UTC +04:00)

Trend-i buradan izləyin

Azərbaycan Milli Bankının (AMB) məlumatına əsasən, 2006-cı ilin yanvar-avqust ayları ərzində geniş pul kütləsi 2664,1 mln. manat təşkil edib. AMB-dən Trend ə verilən məlumata görə, avqust ayında pul kütləsinin artımı 4,5% , 2005-ci ilin 8 ayı ərzindəki göstərici ilə müqayisədə isə 45,6% olub.

Sentyabrın 1-nə olan vəziyyət görə, manat pul bazası 43,8% artaraq 1137 mln. manat təşkil edib. Avqust ayı ərzində artım 3,83%, 2005-ci ilin müaviq dövrü ilə (8 ay) müqayisədə isə 55,3% olub.

Yanvar-avqust aylarında xalis beynəlxalq ehtiyatlar 53,3% artaraq 1588,2 mln. manat təşkil edib, avqust ayında isə 15,7% azalıb. Bu zaman Milli Bankın xalis xarici aktivləri 1337,4 mln. manat təşkil edib. 8 ay ərzində bu göstərici 43,7% artıb, avqust ayında isə 17,1% azalıb. Avqust ayında kommmersiya banklarının xalis xarici aktivlərinin həcmi də 7,6% azalıb, ilin əvvəli ilə müqayisədə isə 236,2% artaraq 257 mln. manat təşkil edib.

Sentyabrın 1-nə xalis daxili aktivlər 1075,9 mln. manat təşkil edib. Ay ərzində xalis daxili aktivlərin həcmi 61,6%, 2006-cı ilin əvvəli ilə müqayisədə isə 33,5% artıb.

Xəbər lenti

Xəbər lenti