Bu il ərzində Azərbaycan Dövlət Gömrük Komitəsinin Enerji Gömrük İdarəsi üzrə məhsulların dövriyyəsi $3,4 mlrd. təşkil edib. Bu həcmin 90%-ə yaxını ixrac əməliyyatlarının payına düşür. Trend in "Gömrük xəbərləri" qəzetinə istinadən xəbər verdiyi kimi, bu barədə idarənin başçısı Füzuli Əsədov məlumat verib.
İdxal əməliyyatlarının həcmi isə $387,6 mln. təşkil edib. Bunun da 97%-ə yaxını qüvvədə olan qanunvericiliyə müvafiq olaraq gömrük vergiləri və yığımlarından azad olunub, - deyə idarə başçısı qeyd edib.Ümumi idxal dövriyyəsinin yalnız 3 %-dən vergi tutulur. Buna baxmayaraq, idarə üzrə 8 mln. AZN yığılıb ki, bu da təyinatı üzrə köçürülüb.