Azərbaycan Dövlət Dəmir Yol İdarəsi 2008-ci ildən səhmləşdirilməyə başlamağa hazırdır. Trend xəbər verir ki, bu barədə Azərbaycan Dövlət Dəmir Yolu İdarəsinin rəisi Arif Əsgərov məlumat verib. Hazırda ADDY üçün 100 mln. ABŞ dolları həcmində kreditin ayrılması məsələsi üzrə Dünya Bankı ilə danışıqlar davam edir. Səhmləşdirmə bu kreditin şərtlərindən biridir.
Kredit Azərbaycan dəmir yolu vasitəsilə nəqliyyat və ticarətə yardım layihəsi üzrə bank tərəfindən ayrılır.
Layihə 2006-cı ilin əvvəlindən 900 min ABŞ dollarından artıq qrant vəsaitləri hesabına hazırlanır. Yaponiya hökümətinin PHRD fondundan məsləhətçilər cəlb olunub və onlar texniki-iqtisadi əsaslandırmanı hazırlayırlar.
Layihə dəmir yolu vasitəsilə sərnişin və yük daşınmalarının restrukturlaşdırılmasını və ADDY-nin maliyyə menecmentinin beynəlxalq standartlarına uyğunlaşdırılmasını nəzərdə tutur.
