...

AYİB Direktorlar Şurasının üzvləri Azərbaycana gəlir

Biznes və iqtisadiyyat xəbərləri Materials 21 Oktyabr 2006 13:47 (UTC +04:00)

Trend-i buradan izləyin

Oktyabrın 23-dən Avropa Yenidənqurma və İnkişaf Bankı (AYİB) Direktorlar Şurasının səkkiz üzvündən ibarət böyük qrupun Azərbaycana səfəri başlayır. AYİB-in Bakı nümayəndəliyindən Trend ə verilən xəbərə görə, səfər zamanı onlar Azərbaycan bölgələrində (Gəncə, Masallı, Lənkəran, Şəki, Göyçay) olacaqlar.

Sonra onlar özəl sektor və dövlətlə görüşmək üçün iki günü Bakıda keçirəcəklər. AYİB Direktorlar Şurası nümayəndələrinin AR səfərinin başlıca məqsədi Azərbaycandakı vəziyyətlə tanışlıqdan ibarətdir və bunun üçün onlar ölkə bölgələrinə səfər edəcəklər.

AYİB qrupu bölgələrdə bankın müştəriləri olan bəzi şirkətlərlə görüşəcək, bundan əlavə AR-də fəaliyyət göstərən əsas neft şirkətləri və bank sektorunda bəzi müştərilərlə görüşlər nəzərdə tutulub.

Hər 2-3 ildən bir Direktorlar şurasının üzvləri layihələrin gedişatı ilə tanış olmaq və Avropa bankının potensial şəkildə maliyyələşdirə biləcəyi yeni layihələri müəyyənləşdirmək üçün bankın işlədiyi ölkələrə gəlir.

Bu il Mingəçevirdə AzİES-in yenidənqurulması layihəsi üzrə "Azərenerji" üçün və lokomativ parkının yaradılması üzrə ADDY üçün ayrılmış kreditlər hesabına portfelin artırılacağı gözlənilir.

AYİB prezidenti Jan Lemyerin 2006-cı ilin aprelində Bakıya səfəri zamanı bildirilib ki, bu il Avropa Bankı Azərbaycan layihələrinin reallaşdırılması üçün 300 mln. avrodan çox sərmayə qoymağı planlaşdırır. 31 dekabra olan vəziyyətə görə, AYİB-in Azərbaycandakı portfeli 686 mln. avro təşkil edib və bu vəsait 30 layihənin maliyyələşdirilməsinə yönəldilib.

Xəbər lenti

Xəbər lenti