Gələn həftəyədək sosial ipoteka üzrə təkliflərin hökümətdə son müzakirələrinin keçiriləcəyi gözlənilir. Azərbaycan Milli Bankında fəaliyyət göstərən Azərbaycan ipoteka fondunun icraçı direktoru Faiq Məmmədovun Trend ə verdiyi xəbərə görə, onların təsdiq etmələrinin gecikməsi Rusiya, Ukrayna, Qazaxıstan, Avropa ölkələrinin sosial ipotekanın tətbiqi üzrə təcrübəsinin ətraflı şəkildə öyrənilməsi zərurəti ilə bağlı idi. Bundan sonra təkliflərdə bəzi düzəlişlər edilib.
"Mən hesab edirəm ki, ilin sonunadək sosial ipoteka üzrə maliyyələşdirməni başlamaq olar, çünki bütün sənədlər hazırlanıb və müvafiq dövlət orqanları tərəfindən gözdən keçirilib. Nazirlər Kabinetində son müzakirələrdən sonra növbəti addım prezident Administrasiyasına təqdim olunma və artıq daha yüksək səviyyədə gözdən keçirilmədir", - deyə AİF başçısı qeyd edib.
Sosial ipoteka gənc ailələrə və hərbçilərə aid olacaq. Yaşam şəraitini yaxşılaşdırmaq istəyən gənc ailələrin sayı çoxdur, ona görə seçim meyarları müəyyən olunacaq. Təkliflərdən biri sosial ipotekanın müvafiq prioritetlər - ailə tərkibi, ailə gəliri əsasında verilməsidir. Və əlbəttə, üstünlük kifayət qədər az gəliri olan gənc ailələrə verilməlidir. Yaşayış yeri də üstünlüklərdən biri qismində çıxış edə bilər, belə ki, bu gün ölkə üçün prioritet ölkə bölgələrinin (qərb hissə, respublikanın sərhəd zonası) inkişafıdır.
Təkliflərə əsasən, ipoteka kreditlərinin verilmə müddətinin 15 ildən 30 ilə qədər artırılması təklif olunur. Kreditin maksimal məbləği də indiki 30 min manatdan iki dəfə artırıla bilər. Bankların ipoteka krediti üzrə faiz dərəcələrinin azaldılması onların qiymət faizinə əsasən saxlamalı olduqları marjadan asılıdır.
Banklara marjanı 4-5% həddində saxlamaq əlverişlidir. Lakin qiymətin hazırda 6% səviyyəsində müəyyən olunmuş faiz dərəcəsinin gözlənilən azalması da ipoteka kreditləri üzrə faiz dərəcələrinə təsir göstərə bilər. "İnzibati və əməliyyat xərclərinin ödənilməsini nəzərə alaraq, qiymətin faiz dərəcəsi hətta 2%-ə qədər ahağı düşə bilər. Lakin bu o demək deyil ki, o, məhz bu səviyyəyə qədər azalacaq. Bununla yanaşı, qiymətin faiz dərəcəsinin azalması ilə AİF-in gəliri azalacaq, müvafiq olaraq da gələcəkdə dövlət vəsaitlərinə tələbat artacaq", - deyə F.Məmmədov qeyd edib.