2006-cı ilin sonuna kimi EBARA yapon şirkəti zibil emalı zavodunun tikintisi üçün layihənin texniki-iqtisadi əsaslarını Azərbaycan hökumətinə təqdim edəcək. Baş nazirin müavini Abid Şərifovun Trend -ə verdiyi məlumata görə, Yaponiya bərk tullantıların emalı sahəsi üzrə müəssisələrin tikintisində böyük təcrübəyə malikdir, buna görə də hökumət bu istiqamətdə yardım üçün məhz yapon şirkətlərindən xahiş edib.
A.Şərifov qeyd edib: "Hazırda söhbət bir zavoddan gedir, lakin Abşeron yarımadasında zibilin emal olunması ilə bağlı problemləri həll etmək üçün üç zavodun tikilməsi tələb olunur. Onlar Balaxanıda, Sumqayıt və Bakı arasındakı şossedə və Lökbatanda yerləşdirilə bilər".
Onun sözlərinə görə, layihə təxminən $150 -200 milyon dəyərində qiymətləndirilir.
