Azərbaycan Vergilər Nazirliyi 2006-cı ilin 9 ayı ərzində böyük vergi ödəyicilərindən daxilolmaların artdığını təsdiq edir. Trend in verdiyi xəbərə görə, bu barədə vergilər naziri Fazil Məmmədov məlumat verib.
"Yarımilliyin yekunları üzrə Nazirlər Kabinetinin toplantısında ölkə prezidenti xüsusilə böyük vergi ödəyicilərindən mənzil-kommunal təsərrüfatı sahəsində yığım əmsalının artırılması üzrə bizə tapşırıq verib, digər vergi ödəyiciləri tərəfindən isə ödənişlə bağlı heç bir problem olmayıb. Görülmüş tədbirlər çərçivəsində mən həmçinin onlarla ayrıca görüşlər keçirdim və artıq müsbət tərəfə irəliləyişlər var. Biz bu il də olmasa, artıq 2007-ci ildə bu problemi tamamilə aradan qaldırmağa çalışacağıq", - deyə F.Məmmədov qeyd edib.
Onun sözlərinə görə, gələn ilin yekunları üzrə dövlət büdcəsinə ödənilməli vergiləri bu vergi ödəyicilərindən tamamilə almaq planlaşdırılır.
Söhbət Dövlət Neft Şirkətinin təxminən 10% -i istisna olmaqla, bu müəssisələrdən vergi daxilolmalarının artımından gedir.