Azərbaycan Milli Bankı tərəfindən avrobondların ilkin buraxılış həcmi ən azı $100 mln. məbləğində planlaşdırılıb. Bu barədə Trend ə ABB-nin idarə heyəti sədrinin müavini Əsgər Məmmədov məlumat verib.
"Avrobondların emissiya şərtləri bankın reytinqindən asılıdır. Biz 2-ci beynəlxalq reytinq agentliyindən reytinq almağa hazırlaşırıq", - deyə Ə.Məmmədov qeyd edib.
Hazırda Moody`s Investor agentliyi ilə iş aparılır və dekabrda 2-ci reytinqin alınması gözlənilir.
"Biz Fitch Ratings agentliyindən heç olmasa ölkə səviyyəsində reytinq almaq istərdik. Ancaq bu təşkilat konservativliyi ilə əlaqədar ölkə üçün müstəqil reytinq elan olunduqdan sonra onu gələn il bank üçün bərpa etməyi vəd edib", - deyə o bildirib.
ABB Moody`s Investor təşkilatından banka Fitch versiyası üzrə verilmiş reytinqdən aşağı deyil, yüksək səviyyədə reytinq almağı gözləyir.
