2006-cı il dekabrın 1-i üçün Azərbaycanda üzüm yığımı 82,2 min ton təşkil edib ki, bu göstərici 2005-ci lin eyni dövrü ilə müqayisədə 4,6 min ton çoxdur. Azərbaycan Dövlət Statistika Komitəsinin məlumatına istinadən Trend xəbər verir ki, yığım 7,2 min hektar ərazidə aparılıb.
2006-cı il üçün üzüm yığımı ilə bağlı proqnoz 80 min ton verilib. Azərbaycan Kənd Təsərrüfatı Nazirliyi 2008-ci ilə qədər 6 min hekatar ərazidə əlavə üzüm bağları salmaq fikrindədir.
Keçən il 9641 hektar əkilmiş ərazinin 7355 hektarından 79 654 ton üzüm yığılıb.
2004-2008-ci illər üçün regionların sosial-iqtisadi inkişafı üzrə Dövlət Proqramına əsasən Azərbaycanın müxtəlif hissələrində yeni plantasiyaların salınması nəzərdə tutulur və əsasən Cəliliabad, Qazax, Xanlar, Kürdəmir, Tovüz kimi rayonlarda hər il 100-150 hektar yeni üzümlüklər salınır, Xanlar, Cəlilabad, Şamaxı rayonlarında isə Fransadan gətirilən yeni üzüm sortları əkilir.
