Rusiya Federasiyası Kurqan vilayəti dairələrini əhatə edən nümayəndə heyətinin dekabrın 24-də Bakıya gözlənilən səfəri 2007-ci ilin yanvarına saxlanılıb.
Rusiyanın Azərbaycandakı ticarət nümaynədəliyindən Trend ə bildiriblər ki, səfərin təxirə salınmasının səbəbi yeni il bayramı və Azərbaycana gəlişi planlaşdırılan biznes-dairələrin iş qrafikinin gərgin olması ilə əlaqədardır. Daha öncə onlarına gəlişi 15 noyabr üçün gözəlinilirdi.
Rusiya tərəfi xəbər verib ki, nümayəndə heyətinə Kurqan vilayətinin qubernatoru Oleq Boqomolov başçılıq edəcək. Səfər çərçivəsində Azərbaycan və Kurqan vilayəti arasında artıq hazırlanmış ticarət-iqtisadi, elmi-texniki və mədəniyyət sahələrində razılaşmalar imzalanması gözlənilir.
Nümayəndə heyətinin tərkibində maşınqayırma və sənayenin digər sahələrində ixtisaslaşmış biznesmenlər qrupu da təmsil olunacaq. Onların Azərbaycan sahibkarları ilə görüşmək barədə istəyi artıq Azərbaycan tərəfinə çatdırılıb. Bununla əlaqədar biznes-forumun keçirilməsi planlaşdırılır.