2006-cı ilin yanvar-noyabr aylarında Naxçıvan Muxtar Respublikasında (NMR) 66,12 mln. manat məbləğində məhsul istehsal olunub və xidmət göstərilib, bu isə 2005-ci ilin analoji dövründən 66,5% çoxdur. Bu barədə Trend NMR-in Bakı nümayəndəliyinin məlumatına istinadən xəbər verir.
Ümumi strukturda sənaye istehsalatının 0,4%-ni hasilat, 79,2%-ni - emal sənayesi təşki l edib, 20,4% - elektrik enerjisinin istehsalı və paylaşdırılması üzrə müəssisələrin payına düşüb və onların artımı müvafiq olaraq 7,6%, 74% və 43,7% təşkil edib.
Bu dövr ərzində muxtariyyat üzrə sənaye sahəsində işləyən şəxslərin sayı 4518 nəfər təşkil edib, bu isə 2005-ci ilin analoji dövründən 37% çoxdur. İşçilərin orta aylıq əmək haqqı 17,2 % artaraq, 121,8 manat təşkil edib.
