2006-cı ildə MDB ölkələrindən Azərbaycana 2100088,9 min dollar dəyərində mal gətirilib ki, bu, ümumi ölkə idxalının 39,89%-ni təşkil edir.
DGK-ya istinadən Trend xəbər verir ki, Azərbaycandan MDB ölkələrinə aparılan malın dəyəri 929673,2 min dollar (ümumi ixracın 14,59%-i) hesablanıb.
MDB ölkələri ilə idxal-ixrac əməliyyatları üzrə 1170415,7 min dollar dəyərində mənfi hal yaranıb.
MDB ölkələrinə əsasən neft məhsulları, kimyəvi maddələr, heyvandırlıq məhsulları, bitki yağları və meyvələr aparılıb.
MDB-dən Azərbaycana mineral yanacaq, taxıl bitkiləri, avadanlıq, mexaniki qurğular, qara metallurgiya məmulatları və s. gətirilib.
